.png)
جروب تكنو عربى لاحمد الجرنوسى
وصف جروب تكنو عربى لاحمد الجرنوسى
أهلاً بيكم في جروب تكنو عربي التابع لقناتي على اليوتيوب أحمد الجرنوسيرابط القناة: http://bit.ly/2uIbkq5
رابط الموقع: https://technoarabi.com
أولاً: برحب بأي حد موجود للإستفادة أو لإفادة غيره بأي معلومة ولو بسيطة ❤️
ثانياً: الجروب محتواه تقني .. يعني أخبار تقنية وألعاب وبرامج ومشاكل وحلول وربح من الإنترنت وديزاين وكوميكس تكنولوجي .. أي شيء يخص التقنية بشكل عام فقط.
قواعد جروب تكنو عربى لاحمد الجرنوسى
الجروب مش هدفه الأساسي الربح أو الترويج فممنوع الآتي:- ممنوع نشر أي روابط خارجية غير قنوات اليوتيوب فقط.
- ممنوع نشر اختصارت الروابط الربحية تماماً.
- ممنوع الترويج لصفحات أو حسابات أو جروبات لأن لو كل واحد عمل كدا تخيل شكل الجروب هيكون عامل إزاي!
- ممنوع نشر برامج أو أي حاجة للتحميل وتشترط على الأعضاء أنهم يكتبوا "تم" مقابل تديلهم الرابط لأنك لو عملت كدا هيتم حظرك نهائياً لأن الموضوع دة بيعمل زحمة ومشاكل كتير ع الجروب.
- أي عضو هيشتم أو هيتلفظ بلفظ مسيء أو خارج هيتم حظره دون رجعة لأن الجروب فيه شباب محترمة وبنات فعاوزين كلنا نساعد بعض بإحترامنا.
- مش شرط تنزل بوست وتعملي تاج لأن الجروب فيه شباب كتير يعرفوا أكتر مني، وانا دايماً برد ع اللي اعرفه واللي بقدر عليه.
- أخيراً أي أدمن أو مشرف في الجروب غير مسئول عن التعاملات المالية أو بيع الأجهزة المستخدمة ودي مش هنمنعها لأن ممكن يكون حد بيسترزق منها وكمان فيه ناس أكيد بتستفيد بالأجهزة المستعملة أو شراء بعض الخدمات بأسعار مناسبة.
- لكننا مش مسئولين عن جودة الخدمات أو الأجهزة أو ضمان الفلوس (إنت ضامن نفسك) عشان منقطعش برزق حد.
شكراً ليكم 💗 💗